2012-02-29

Gaur bi artikulu idatziko ditut. Izan ere, Magisteritza eskolan egon naizelako.

Zertan?, ba eskolan informatika inguruan erabiltzen ditugun baliabideak erakustera laster maisuak izango diren 80 ikaslei.

Zuek egindako blogak eta sitean dauden ipuinak ikusi ondoren "flipaturik" geratu dira. Artista hutsak zaretela esan dute.

Erabili ditugun gauza batzuk gustatu zaizkie izan ere: geacron (historiakoa); stellarium (izarrak eta planetak ikustekoa); Europako hiriburuak asmatzekoa eta beste batzuk.

2012-02-29

Eta Kubatik bueltatu gara!
Konturatuko zarete gaur arte ez dudala idatzi egunerokoan. Erreza: egun hauek logure kontuak ebazten aritu gara.
Egunero 7etan altxatu naiz, baina nire logureak 6 ordu gutxiago zirela esaten zidan. Orduan eskolatik bueltatzen nintzenean logure izugarria nuen.
Lehenengoz zuen egunerokoak zuzendu ditut eta gero nirea idatzi. Eta horretan nago!.

Kuba izugarri gustatu zaigu. La Habana, hiriburua, oso polita. Pinar del Rio, nire herria, txikiagoa baina nire aintzinako etxean egotea oso hunkigarria izan da.

Hemen daukazue argazki batzuk (eskolan ikusi genituenak).

2012-02-12: Monica-ri

Oso triste nago.
Zuek jaio baino lehen, duela 20 urte, nire gelan zegoen.
Monica zuen izena. Errubioa, polita eta orain 29 urte zituen.
Baina nik 10 urterekin gogoratzen dut. Nirekin 3 ikasturte egon zen.
Orain hilik dago.
Hemen uzten diot nire idazkia.
Nahi baduzue irakurri, baina triste-tristea da.

2012-02-05

Gaur ez dut gauza handirik egin, baina ostiralean eskolan geratu ginen denbora gehiago arratsaldean kotxea egiten.
Nahi baduzue astelehenean ikusi dezakezue. Hala ere oraindik nahikotxo falta zaio.
Beharbada laguntza beharko dut.