2012-01-31

Unibertsari buruz egon gara hizketan arratsaldean. Olatzek oso joku interesgarria ekarri du eta aztertzen aritu gara.
Nire aldetik arratsaldean informazio gehiago bila web orrialde oso interesgarria topatu dut . Hemen daukazue ikusgai.

Eta hemen beste bat. Oso interesgarria ere bai. Oso argazki politak ditu.

2012-01-31

Astelehena izan arren, ez da Heziketa Fisikoa egon. Bere ordez Mate kontrola eta Euskara egin dugu. Arrazoia izan da bihar lehenengo orduetan ez naizela egongo eta hainbeste irakasle ez pasatzeko nire gelatik, aldatu egin dugu.
Espero dut errekreo ondoren egotea.
Izatez Sestaora joan behar dut datorren urtetik aurrera erabili beharko dugulako programa berri bat umeen ez etortzeak, notak eta hainbat gauza gehiago kontrolatu ahal izateko.
Nahi baduzue, dakidanean erakutsiko dizuet.

2012-01-23

Beldurraren eguna.

Nik uste nuen gelako kakatiena ni nintzela baina badaude irabazten didatena. Gutxigatik, hori bai.
Gaur Portugaleteko Zubia eta Nautika eskola bisitatu dugu.
Nautika Eskolan nola gidatzen den petroliuntzi bat ikasten da. "Simuladore" bat daukate, bere radar eta sonar, lema, pantailak... Gero planetariuma ikusi dugu, oso interesgarria baita.
Eta gero kakatien uneak izan ziren. Egia da Zubia oso altua dela eta beheko tramankulua mugitzen denean bibratu egiten duela, baina ezinezkoa da handik erortzea.
Euria egiten zuenez - xirimiri -pixkat bustitu gara.
Azkenean jantokian dilistak eta saltxitxak.

2012-01-22

Asteburu honek ez du ezer apartekorik izan. Eguraldiak ez du gehiegi lagundu eta orduan etxean egon, paseatu eta askoz gehiagorik ez.
Ostiralean eskola eta gero pixka bat gehiago geratu nintzen ihauterietako bajadan eramango dugun kotxea egiten. Esan daiteke eskeletoa amaituta dagoela. Orain kartoiz jantzi behar da eta gero margotu.
Lau gurpil euki beharrean sei darama eta oraindik ez dakit barruan joan izango dugun.
Bihar soka erosi behar dut kartoia lotzeko.
Agian argazki bat aterako diot amaitu baino lehen...

2012-01-17

Gaur hitz egitera nihoan Portugaleri buruz, Erdi Aroko Portugalete bisitatu baitugu, baina David Modroñok oso lotura interesgarria bidali dit eta erakutsi nahi dizuet.

Bada Instituto batean egin dituzten lanak.

Hurrengo egun batean Portugaleteri buruz kontatuko dizuet eta gainera Timik eta Anak argazkiak pasatzen badizkidate hemen lotuko ditut.

http://biogeocarlos.blogspot.com/2009/06/maquetas-2009-organos-de-los-sentidos.html

Ondo ibili.
Ah!!! hilabete barru Ihauteriak!!!

2012-01-09

Zenbat pertsona behar dira kitarra bat jotzeko?
Bat, ezta?
Gustuko duzue musika?
Ba hemen daukazue kitarra bat jotzeko modu orijinala: